५ दिमाग हल्लाउने YouTube को तथ्य र आँकडा । Infographic

५ दिमाग हल्लाउने YouTube को तथ्य र आँकडा । Infographic | Kumar Magar

YouTube Facts, Figure and Statistics

YouTube आजको सबैभन्दा लोकप्रिय भिडियो प्लेटफर्म हो । यूट्यूबको शानदार लोकप्रियता र सफलतामा यसको सरलता र सहजता नै धेरै कारण मध्ये एक मानिन्छ । यसले सिर्जनाकर्ता (Creator) हरूको लागि उनीहरूको कन्टेन्टलाई ठूलो दर्शकहरूको माझ सेयर गर्न धेरै सजिलो बनाएको छ । यसको परिणाम स्वरुप यसमा कन्टेन्ट सिर्जनाकर्ताहरूको लागि आफूलाई मनपर्ने विषवस्तु र वर्गहरूको एक विस्तृत श्रृङ्खला प्रदान गरेको छ । तपाईको इच्छा र चाहाना अनुसार चाखलाग्दो र रोचक कन्टेन्टहरू फिल्टर गरेर पाउन सक्नुहुने छ । अझै भनौं, यूट्यूबमा सबैका लागि केही छ ।

The Founders of YouTube Chad Hurley, Steve Chen and Jawed Karim

सन् २००५ मा तीन पूर्व PayPal का कर्मचारीहरू Chad Hurley, Steve Chen र Jawed Karim ले YouTube बनाएका हुन् । सन् २००६ मा गुगलले यूट्यूबलाई १.६५ अर्ब अमेरिकी डलरमा खरिद गरेको थियो । स्थापना भएको १८ महिनामा यो मूल्यमा बिक्री हुन चानचुने कुरा होइन । त्यसपछि गुगलको अधिन(Subsidiaries) संस्थाको रुपमा काम गर्दछ । यसको उद्देश्य प्रयोगकर्तालाई छिटो र सजिलो भिडियो पहुँच र बारम्बार भिडियोहरू साझेदारी(Share) गर्ने क्षमता प्रदान गर्ने कार्य हो । यूट्यूब एक निरन्तर बढ्दो सामाजिक मिडिया प्लेटफर्म हो । यूट्यूबले भिडियो स्ट्रिमिङ उद्योगमा आफ्नो प्रबल स्थान राख्नुको एक मुख्य कारण यो एकदमै सुलभ हुनु ।

२३ अप्रिल २००५ मा यूट्यूबमा पहिलो पटक अपलोड गरिएको पहिलो भिडियो चिडियाखानामा एक संस्थापक Jawed Karim लाई देखाईएको थियो, "Me at the Zoo- मचिडियाघरमा" भन्ने शीर्षक दिएर । यो भिडियो जम्मा १८ सेकेण्डको मात्र रहेको छ । त्यस पछि, YouTube को यात्रा यो एक दशकमा ० देखि २ अर्ब प्रयोगकर्ता सम्म पुगेको छ ।

YouTube को ५ तथ्यहरू अब हेरौं ।

तथ्य-१ः- २ अर्ब मासिक सक्रिय प्रयोगकर्ताहरू

Statista.com र YouTube for Press का अनुसार २ अर्ब (2 billion plus Active users as on April, 2020) मासिक सक्रिय प्रयोगकर्ताहरू रहेका छन् । यूट्यूब भन्दा धेरै मासिक सक्रिय प्रयोगकर्ता भएको एकमात्र सामाजिक सञ्जाल Facebook रहेको छ ।

Monthly Active User भन्नाले एक महिनाको अवधिमा कम्तीमा एक पटक लगइन गर्ने प्रयोगकर्ता (User) लाई जनाउँछ । सन् २०१९ मा Datareportal.com का अनुसार ७९ प्रतिशत इन्टरनेट(Internet) प्रयोगकर्ताहरूले आफूसँग YouTube Account रहेको बताएको थियो ।

YouTube Facts, Figure and Statistics

तथ्य-२ः- १८-३४ बर्ष उमेरसमूहका पुस्ताको धेरै

YouTube for Press का अनुसार यूट्यूब प्रयोगकर्ताहरू मध्ये सबैभन्दा धेरै १८-३४ बर्ष उमेरसमूहका मात्र ९० प्रतिशत रहेका छन् ।

YouTube Facts, Figure and Statistics

तथ्य-३ः- YouTube ले हाम्रो भाषा बोल्छ

YouTube Facts, Figure and Statistics

यूट्यूबले १०० भन्दा बढी देशका ८० विभिन्न भाषाहरू (नेपाली सहित) मा YouTube लाई Navigate गर्न सकिने यूट्यूब फर प्रेसमा लेखिएको छ । जसले कुल इन्टरनेट जनसंख्या (Internet Population) को ९५ प्रतिशत हिस्सा ओगट्छ । सन् २०१९ सम्मको तुलनात्मक स्थितिलाई हेर्ने हो भने Facebook सँग नेपाली सहित ४३ भाषाहरूको विकल्प छ र अन्य ६० वटा भाषाहरूमा अनुवाद गर्न मिल्छ ।

बहुभाषामा सहयात्रा गर्न मिल्ने कारणले नै YouTube Contents लाई प्रयोगकर्ताले आफूले चयन/रोजेको भाषाको आधारमा पाउन सक्छ, न कि, प्रयोगकर्ताको Location को आधारमा होइन । यसैले पनि YouTube को प्रभावकारिता र लोकप्रियता धेरै रहेको छ ।

तथ्य-४ः- ५०० घण्टाको भिडियो हरेक मिनेट अपलोड हुन्छ

सन् २०१९ सम्म Tubfilter का अनुसार हरेक मिनेट ५०० घण्टा बराबरको भिडियोहरू अपलोड गरिन्छ । हरेक घण्टामा ३०००० घण्टाको भिडियोहरू अपलोड हुन्छ भने हरेक दिन ७२०,००० घण्टाको भिडियोहरू अपलोड हुन्छ । यदि एक घण्टामा अपलोड गरिएका भिडियोहरूलाई तपाईले हेर्ने हो भने तपाईलाई ८२ बर्ष लाग्ने छ । अर्थात एक घण्टामा अपलोड हुने भिडियोहरू हेर्न तपाईको पुरै जिन्दगी बित्ने छ ।

YouTube Facts, Figure and Statistics

तथ्य-५ः- हरेक दिन १ अर्ब घण्टा भिडियो हेरिन्छ

हरेक दिन १ अर्ब घण्टा YouTube मा भिडियोहरू हेरिन्छ । यसबाट अरबौं Views विश्वव्यापी रुपमा यूट्यूबमा आउने गर्दछ । यसैलाई हिसाब गर्ने हो भने, यदि पृथ्वीमा बस्ने हरेक मानिसले एउटा भिडियो हेर्ने हो भने औषत ८.४ मिनेट प्रतिव्यक्ति हुन आउनेछ । एक तथाङ्क अनुसार ६२ प्रतिशत व्यापारिक प्रतिष्ठानहरूले आफ्नो भिडियो सामग्रीहरू(Video Contents) लाई पोष्ट गर्ने भरपर्दो माध्यम YouTube लाई रुचाइएका छन् । यो मामिलामा सामाजिक सञ्जालको बादशाह Facebook अग्रिणी स्थानमा रहेको छ । धेरै व्यावसायिक प्रतिष्ठानहरूले आफ्नो ग्राहकहरूसँग जोडिएर रहनका लागि यूट्यूबको प्लेटफर्मलाई रोजेको पाइन्छ ।

एक तथ्याङ्कका अनुसार ९० प्रतिशत मानिसहरूले यूट्यूब मार्फत नयाँ-नयाँ ब्रान्ड र प्रोडक्टहरू खोज्ने तथा भेटाउने बताएको थिए ।

YouTube Facts, Figure and Statistics

केही थप तथ्यहरूः-

· ७० प्रतिशत भन्दी बढी YouTube Watch Time को Traffic मोबाइल उपकरणबाट मात्र आउँछ । बाँकी ३० प्रतिशत ट्राफिक मात्र अन्य उपकरणहरूबाट मात्र आउने गर्छ ।

· Statista.com का अनुसार, सबै मोबाइल इन्टरनेटको डाउनस्ट्रिम ट्राफिकको ३७ प्रतिशत ट्राफिक केवल YouTube ले मात्र लिन्छ । यो मामिलामा केवल ८.४ प्रतिशत सहित Facebook दोस्रो स्थानमा रहेको छ ।

· हालको सि.ई.ओ. Susan Wojcicki हो ।